壹週刊青雲路 1293期

上 COURSE : 打工仔必修勞工法

颱風莎莉和海馬先後於上月尾襲港，李氏力場今次終於抵擋不住，為大部分打工仔造就了一整天的風假。除了在惡劣天氣下上下班外，不少打工仔還擔心遲到、辭職及賠錢等問題，其實好好了解勞工法，清楚了解僱傭條例，知道自己的權益和福利，亦可以保障自己。青協持續進修中心將開辦勞工法例基礎證書課程，加強學員對勞工及職業安全規例的認識，改善僱傭雙方關係，同時提升工作效益。

課程由凝資培訓及專業顧問公司的課程主任 Kiki(何珮琪)任教，她表示普遍上班一族對勞工法例不熟悉，「好似以為兼職就冇假冇福利，同埋好多僱主僱員都對僱傭關係嘅定立有誤解。課程主要分為初班同進階班，初班會介紹僱傭合約、工資計算、強積金條例、工傷和職業病等；進階班就會多啲小組討論同埋個案研習。

」

乜嘢係連續性合約？

Kiki表示會先講解基本連續性合約的構成，連續性合約俗稱「 418」，「僱員如連續受僱於同一僱主 4星期或以上，而每星期最少工作 18小時，佢嘅僱傭合約就屬於『連續性合約』，受到《僱傭條例》嘅保障。另外，我哋會就 11項條件，嚟釐清自僱人士同僱主身分，包括對員工嘅控制權(安排工作地點、年假及上下班時間等)、有冇得請替工、需唔需要承擔風險做投資等，符合一半或以上，就屬自僱人士，課堂上都會詳細解釋。保險經紀、中港司機都係屬於自僱人士嘅例子。」

懲罰性條款要小心

除了僱傭合約外， Kiki還會簡介如惡劣天氣的安排、遲到及辭職等問題，但她表示大多數大學生最易疏忽乃合約中的懲罰性條款，「例如保險業，正式執業前需為員工提供培訓，然後規定員工最少工作半年或以上，否則要賠償培訓費用；美容和補習等涉及專業嘅行業，若員工喺合約期內辭職或終止合約，則於 1年內唔可以從事同類型嘅工作。喺簽合約時，記住要睇清楚，保障自己。」

個案一惡劣天氣下

Kiki表示每間公司都有不同的守則，員工可以參考公司的惡劣天氣下應對方案而上班和下班。「其實紅雨、黑雨、風球懸掛時嘅問題都唔大，反而工傷項目要注意一下。由惡劣天氣有關訊號懸掛時起計，前 4小時及後 4小時，若員工在上下班途中遇到意外，都列入為工傷。」

個案二辭職

1.現今很多年輕人會以 WhatsApp通知僱主辭職， Kiki表示僱主最好先列明，僱員辭職時需以甚麼方式知會僱主。 2.若公司有提供試用期，一般為 3個月， Kiki說：「員工喺試用期嘅第一個月內辭職，雙方都唔需要通知期同賠償代通知金，員工可以即時離職；試用期嘅第二個月起，員工辭職就需要 7日通知期，若想即時離職，則需付 7日薪金嘅辭職代通知金畀公司；試用期過後，員工需有 1個月通知期先可辭職，或繳付 1個月嘅薪金作為代通知金。」反之亦然，若僱主在試用期內或過試用期後即時解僱員工，需付相同的代通知金予員工。 3.沒有提供試用期的公司，如員工要遲職，返工第一日起計，最少要有 1個月通知期或 1個月代通知金，才可辭職。 4.如員工經常犯錯或有欺詐意圖，可即時被解僱，僱主不用賠償任何工資、年假及花紅。

Kiki導師：學員大多係僱主、人事部員工、會計文員等，佢哋都想了解多啲呢方面嘅資料，因為通常員工會遇到好多關於勞工法例嘅問題，尤其人事部，包括要熟知工資嘅計算方法。

Ying學員：我喺人事部工作，想了解多啲勞工法例嘅資料。通常同事都係喺遲到同離職呢方面有啲誤解，所以我嚟報讀，想知多啲唔同嘅案例會有咩解決方法，希望日後工作上應用得到。

課程：勞工法例基礎證書課程 機構：香港青年協會持續進修中心 日期：第一班： 11月 2日至 12月 7日，逢星期三；第二班： 11月 24日至 12月 8日，逢星期四。 時間：第一班： 7:30pm至 9:30pm；第二班： 2pm至 6pm。 堂數：第一班：共 6課；第二班：共 3課。 費用：$1,780 內容：講解僱傭合約、工資計算、工傷和職業病、勞工處和法庭程序及歧視條例等勞工法例。 查詢： 2130 4000